काठमाडौँ। अध्ययनका लागि विदेश विद्यार्थीलाई उचित परामर्श दिने तथा विदेशमा रहेका विद्यार्थीको समस्या समाधान गर्न नेपाल शैक्षिक परामर्श संघ (इक्यान) र गैरआवासीय नेपाली संघ (एनआरएनए)बीच समझदारीपत्र (एमओयू)मा हस्ताक्षर भएको छ ।

मंगवार राजधानीमा एक कार्यक्रमका बीच इक्यान र एनआरएनबीच एमओयुमा हस्ताक्षर भएको हो । उक्त कार्यक्रममा बोल्दै एनआरएनएका अध्यक्ष डा. हेमराज शर्माले विदेशमा अध्ययनका लागि जाने नेपाली विद्यार्थीले कोठा, रोजगारी, मानसिक स्वास्थ्यदेखि मृत्यु भएपछि शव नेपाल ल्याउनेसम्मका गम्भीर समस्या भोगिरहेको बताउनु भयो ।

उहाँले विगतमा विदेशमा रहेका नेपाली श्रमिकहरूको समस्या प्रमुख रहेपनि अहिले अध्ययनका लागि जाने विद्यार्थीको समस्या बढ्दो रुपमा रहेको बताउनु भयो ।

विद्यार्थीलाई विदेश पुगेपछि बसोवासका लागि कोठा खोज्ने, रोजगारी खोज्ने तथा मानसिक स्वास्थ्यसम्बन्धी समस्या देखिने गरेको उनीहरुको समस्या समस्या समाधान गर्न इक्कयानसँग समझदारी भएको बताउनु भयो ।

अध्यक्ष शर्माले एनआरएनएको ‘रिब्रान्डिङ’ एजेण्डाअन्तर्गत विदेशमा रहेका सबै प्रकारका गैरआवासीय नेपाली नागरिकसँग संस्थालाई जोड्ने लक्ष्य रहेको बताउनु भयो । सोही उद्देश्यअनुसार विद्यार्थीलाई पनि एनआरएनएसँग जोड्दै उनीहरूको समस्या समाधानमा सहकार्य गर्न इक्यानसँग एमओयू गरिएको उहाँको दाबी छ ।

उहाँले भन्नुभयो, ‘पहिले विदेशमा सबैभन्दा धेरै समस्या श्रमिक वर्गको समस्या थियो । अहिले चाँही अध्ययनको लागि जाने विद्यार्थीले धेरै समस्या भोगिरहेको अवस्था छ । हाम्रो राष्ट्रिय समन्वय परिषद्का साथिहरुले सबैभन्दा बढी समस्या झेलिरहेको समस्या विद्यार्थीहरुको समस्या हो । यहाँबाट जाँदाखेरी कोठा खोज्नेदेखि लिएर, काम खोज्ने, मेन्टल हेल्थका इस्युहरु, कतिपय कुरामा त मृत्यु भइसकेपछि लाश ल्याउनेसम्मका कुरामा समस्या सामना गर्नुपरेको स्थिति चाँही छ । त्यसकारण यो एनआरएनएको रिब्राण्डिङको एजेण्डा भनेको बाहिर बसेका सबै प्रकारका गैरआवासीय नेपाली नागरिकहरुसँग यो संस्था जोडिनुपर्छ । त्यसकारण हामीले यो संस्थामा विद्यार्थीहरुलाई पनि जोड्नुपर्ने आवश्यकता छ । उनीहरुको समस्या समाधान गर्ने कुरा त आफ्नो ठाउँमा छँदैछ । उनीहरु भोलिका एनआरएन हुन् भन्ने पनि हामीले बुझिरहेका छौँ । त्यसकारण उनीहरुलाई नेपाली भूमिबाटै जोडिनुपर्छ भनेर हामीले यीनै कुराहरुमा एमाओयु गरेका छौँ ।’

अध्यक्ष शर्माले विदेशमा अध्ययन गर्न जाने नेपाली विद्यार्थी भविष्यका गैरआवासीय नेपालीसमेत भएकाले उनीहरूलाई नेपालबाटै संस्थागत रूपमा जोड्न संस्थासँग जोड्ने  अभियानमा एनआरएनए रहेको समेत बताउनु भयो । –न्युज एजेन्सी नेपाल