ललितपुर । ललितपुर महानगरपालिका–११ बस्ने ३७ वर्षीय सुरेश देउलाले बाटोमा फेला पारेको ठूलो रकम जिल्ला प्रहरी परिसर, ललितपुरमा बुझाएका छन् ।
प्रहरीका अनुसार देउलाले नेपाल राष्ट्र बैंक नयाँ बानेश्वरमा भएको लुटपाटपछि बाटोमा खसेको शंका गरिएका नगद संकलन गरेका थिए । उनले रु ५०० दरका नयाँ नोटमध्ये रु ५ लाख र अतिरिक्त खुद्रा रु १० हजार ५ सय रुपैयाँ टिपेर आइतबार प्रहरीसमक्ष बुझाएका हुन् ।
प्रहरीले फेला परेको नगद प्रमाणसहित सुरक्षित राखिएको र आवश्यक छानबिन भइरहेको जनाएको छ । सो लुटपाट प्रकरणबारे अनुसन्धान अघि बढाइरहेको प्रहरीले ईमानदार नागरिक सुरेश देउलालाई सहयोगका लागि धन्यवाद दिएको छ ।
