आगामी जुलाईमा इङ्ल्यान्ड र वेस्ट इन्डिजबीच तीन वटा अन्तर्राष्ट्रिय टेस्ट क्रिकेट हुने निश्चित भएको छ ।
वेस्ट इन्डिज बिरुद्धको पहिलो खेल एजिस बाउल खेल मैदानमा जुलाई ८ मा शुरु हुनेछ । अन्य दुई खेल इमिरेट्स ओल्ड ट्राफोर्डमा जुलाई १६ र २४ मा शुरु हुँदैछन् । अर्थात २१ दिनको अन्तरालमा तीनवटै खेल सम्पन्न हुनेछन् ।
कोरोनाभाइरसका कारण यी तीनवटै खेल बन्द रंगशालामा खेलिने आयोजक इङ्ल्यान्डले जनाएको छ ।
उक्त प्रतियोगिताका लागि वेस्ट इन्डिजको टोली जुन ९ तारिखमा इङ्ल्यान्ड पुग्नेछ । त्यसपछि इन्डिजका खेलाडीहरु प्रारम्भिक क्वारेन्टाइन र तालिममा रहने छन् ।
- पहिलो टेस्टः ८–१२ जुलाई, साउथह्याम्प्टन
- दोस्रो टेस्टः १६–२० जुलाई, ओल्ड ट्राफोर्ड
- तेस्रो टेस्टः २४–२८ जुलाई, ओल्ड ट्राफोर्ड
कोरोनाभाइरसका कारण यसअघि तोकिएको मिति र खेल स्थल दुबै परिवर्तन भएका हुन् ।
