काठमाडौं । एएफसी महिला एसियन कप छनोट अन्तर्गत नेपालले उज्वेकिस्तानसँग प्रतिस्पर्धा गरिरहेको छ ।
पहिलो हाफ सकिँदा नेपाल ३-१ गोलले पछि परेको छ । खेलको दोस्रो मिनेटमा नै उज्वेकिस्तानले अग्रता लियो ।
डियोराखोन खाबिबुल्लाएभाले गोल गर्दै घरेलु टोलिलाई अग्रता दिलाएकी हुन् ।
१२ औं मिनेटमा उज्वेकिस्तानले अग्रता दोब्बर पार्यो ।
कप्तान लुद्मिला काराचिकले प्रहार गरेको बल नेपालका खेलाडी समिक्षा घिमिरेलाई लागेर गोलमा परिणत भयो ।
२४ औं मिनेटमा नेपालका कप्तान साबित्रा भण्डारीले गोल गर्दै नेपाललाई १-२ को अवस्थामा ल्याइन् । उनले डि(बक्स बाहिरबाट उत्कृष्ट गोल गरिन् ।
३९ औं मिनेटमा उज्वेकिस्तानले ३-१ को अग्रता बनायो । माफ्तुना शोयिमोभाले पेनाल्टीमा गोल गरेकी हुन् ।
खेलको पहिलो हाफको इन्जुरी समयमा उज्वेकिस्तान १० खेलाडीमा समेटियो । नोजिमाखोन एर्गाशेभा रातो कार्ड खाँदै बाहिरिन् । कप्तान साबित्रालाई खराब ट्याकल गरेकी उनलाई रेफ्रीले रातो कार्ड दिँदै मैदान बाहिर पठाए ।
यो खेलको विजेताले एसियन कपमा स्थान बनाउने छ ।
