काठमाडौँ । काठमाडौँको गौशालामा यात्रुबाहक बससहित ८ वटा सवारी ठोक्किएका छन् । एयरपोर्टतर्फ जाँदै गरेको बा ५ ख ६७३५ नम्बरको बस बिहान ११ बजे दुर्घटनामा परेको हो ।
बाबा गोकर्णेश्वर यातायातको बस अनियन्त्रित भई दुर्घटना हुँदा सडकमा गुडिरहेका ८ वटा सवारी ठोक्किन पुगे । बस, हायस, कार, मोटरसाइकल, स्कुटर आपसमा ठोक्किएर दुर्घटनामा परेको हो ।
दुर्घटनामा तीन जना घाइते भएको प्रहरीले जनाएको छ । बा ५१ प २२ नम्बरको मोटरसाइकलका चालक धादिङ ज्वालामुखी गाँउपालिका–१ घर भई टोखा बस्ने बर्ष ३२ को राजकुमार श्रेष्ठ, बा ५१ प २२ नम्बरको मोटरसाइकल पछाडि सवार नुवाकोट टाडी गाँउपालिका–२ का २२ वर्षीय विकाश कट्टेल, प्र–२–०१–००३ प १००५ नम्बरको मोटरसाइकल चालक खोटाङ हलेसी तुवाचुङ नगरपालिका– ५ का ३७ को शैलेन्द्र राई घाइते भएका छन् ।
घाइतेहरूलाई उद्धार गरेर केएमसी अस्पताल पठाइएको छ ।
