मैले तिमीलाई चिनेको छु ।
धेरै पटक गोष्ठी मा भेटे
राजनैतिक सभा मा भेटे
गफ गरे , ठट्टा गरे
तर मैले तिमि लाई बुझेको छैन ।
तिम्रो नियत मलाई थाहा छ
मेरो नियत तिमि लाई थाहा छ ।
तर
थाहा भएर पनि थाहा छैन
किनभने हामीले एक अर्का लाई बुझेकै छैन
तिमीलाई मैले कसरि बुझु
म आफैले आफैलाई बुझेको छैन
ऐना अगाडी यो शारीर को प्रतिबिम्ब
त्यसलाई एउटा नाम ले चिनेको छु ।
त्यो प्रतिबिम्ब भित्र को संसार
त्यो प्रतिबिम्ब भित्र को ब्रम्हाण्ड
मैले बुझेको छैन ।
बुझ्ने कोसिस गरेको पनि छैन ।
त्यहाँ भित्र पस्ने ढोका हरु
मैले सबै बन्द गरि सके
ढोका खोल्न डर लाग्छ
त्योसाहस म मा छैन ।
ढोका भित्र को यथार्थता
हेर्ने सन्तुलन मा सग छैन
भो ! म बन्दै भएर बस्छु ।
म आफु लाई बुझन नसक्नेले
तिमि लाई कसरि बुझु ?
लेखक : राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनी हुन ।
