काठमाडौँ । नेपाल विद्युत प्राधिकरणका कार्यकारी निर्देशक हितेन्द्रदेव शाक्यले आफूहरूको उद्देश्य नाफा कमाउने नभएको बताउनुभएको छ ।
शुक्रवार प्राधिकरणमा आयोजित पत्रकार सम्मेलनमा उहाँले यस्तो बताउनुभएको हो । उहाँले आफूहरू सरकारी अङ्क भएको बताउँदै नाफा प्राधिकरणको उद्देश्य नभएको बताउनु भयो ।
उहाँले नाफाको पछाडि लागेर लोडसेडिङ गर्नु हुँदैन भन्ने आफूहरूको मान्यता रहेको बताउनु भयो । उहाँले पाएको खण्डमा नाफा लिने र नाफाकै लागि भन्दै विद्युत काट्ने काम नगर्ने बताउनु भयो । उहाँले लोडसेडिङ गर्नहुँदैन भन्ने उद्देश्यका साथ उद्योगमा पनि लोडसेडिङ घटाएको दाबी गर्नुभयो । उहाँले भारतबाट ल्याएर वा महँगोमा बिजुली किनेर भएपनि उद्योगधन्दामा भएको लोडसेडिङलाई घटाउने बताउनु भयो । कार्यकारी निर्देशक शाक्यले भारतबाट बिजुली खरिद गर्न निर्देशन दिएको जानकारी गराउँदै घाटा लाग्छ भन्दैमा विद्युत् कटौती नहुने जिकिर गर्नुभयो ।
उहाँले भन्नुभयो, “लोडसेडिङ कहाँ शुरु भयो र रु उद्योग धन्दामा जुन लोडसेडिङ थियो, अब हामी भारतबाट ल्याएर पनि र महँगोमा बिजुली किनेर पनि । १० रुपैयाँ भारुमा जति पाइन्छ त्यही किन्ने भनेर निर्देशन दिएको छु । कहीँ घाटा लाग्छ भनेर रोक्न पाउँदैनौँ । सरकारी अङ्क हौँ, नाफा हाम्रो उद्देश्य होइन । पाए खाने, नाफाको पछाडि लागेर लोडसेडिङ गर्नु हुँदैन । पाए नाफा लिने, पाएन भने नाफा भनेर लोडसेडिङ गर्नै हुँदैन भन्ने उद्देश्यले उद्योगमा पनि लोडसेडिङ घटाएका छौँ ।”
उहाँले गत वर्षको यहीँ समयमा बेलाबेलामा विद्युत् कटौती भइरहे पनि त्यति बेला कोही कसैले आपत्ति नजनाएको जिकिर गर्नुभयो ।
