काठमाडौं । नेपाली कांग्रेसका वरिष्ट नेता डा शेखर कोइरालाले सत्तारुढ नेकपाको आन्तरिक राजनीतिमा राष्ट्रपतिको सक्रियता बढ्नु दुःखद भएको बताउनु भएको छ ।
नेता कोइरालाले आज गर्नु भएको एक ट्वीटमा राष्ट्रपतिले आफ्नो जिम्मेवारी, संविधानको मर्यादा र संस्थाको गरिमालाई ख्याल गर्नुपर्ने उल्लेख गर्नु भएको छ । उहाँले राष्ट्रपतिको अनावश्यक सक्रियता देश र लोकतन्त्रको लागि अत्यन्तै दुःखद रहेको बताउनु भएको छ ।
उहाँले भन्नुभएको छ, ‘राष्ट्रपति सामान्य र राजनीतिक व्यक्ति होइन । साझा, सम्मानित र सर्वोच्च निकाय हो । राष्ट्रपतिले आफ्नो जिम्मेवारी, संविधानको मर्यादा र संस्थाको गरिमालाई ख्याल गर्नुपर्छ । पछिल्ला दिनमा नेकपा भित्रको आन्तरिक राजनीतिमा राष्ट्रपतिको सक्रियता बढ्नु देश र लोकतन्त्रको लागि अत्यन्तै दुःखद हो ।
सत्ताको नेतृत्वका विषयमा विवाद चुलिएसँगै सत्तारुढ नेकपा नेताहरुलाई पटक–पटक शितल निवास बोलाएर विवाद समाधानको पहल गरेपछि राष्ट्रपति विद्यादेवी भण्डारीको सर्वत्र आलोचना हुँदै आएको छ ।
