काठमाडौँ । आईसीसी यू–१९ विश्वकपको एसिया छनोटअन्तर्गत हङकङले नेपाललाई ११६ रनको सामान्य लक्ष्य दिएको छ ।
मुलपानी क्रिकेट मैदानमा टस हारेर पहिला ब्याटिङ गरेको हङकङ ४६ ओभर २ बलमा ११५ रनमा अलआउट भएको हो ।
हङकङलाई सस्तोमा समेट्न नेपालका युवराज खत्रीले ४ विकेट लिए । यस्तै, विपिन शर्माले ३, सन्तोष यादवले २ र अशोक धामीले १ विकेट हात पारे ।
ब्याटिङमा हङकङका लागि शिभ मथुरले सर्वाधिक ६३ रन बनाए । यस्तै, आर्या पन्जवानीले १३ तथा वीर माथुरले १२ रन जोडे ।
