कपिलवस्तु । स्रोत नखुलेको १६ लाख नेपाली रुपैयाँसहित एकजना पक्राउ परेका छन् । प्रकाउ पर्ने मायादेवी गाउँपालिका–१ पकडीका ३६ वर्षीय विनोद सोनार रहेका छन् ।
विशेष सुराकीका आधारमा मायादेवी गाउँपालिका–४ ठकुरापुर गोब्ली बगैंचामा भारतबाट नेपाल आउँदै गर्दा सीमा क्षेत्रमा सो रकमसहित सोनार पक्राउ परेका सशस्त्र प्रहरी निरीक्षक सन्तोष देवकोटाले बताए ।
सोनारको साथबाट हजार दरका एक सय थानका १२ गड्डी र ५ सय दरका एक एक सय थानका ८ गड्डी नेपाली रुपैयाँ बरामद भएको हो । पक्राउ परेका सोनार र १६ लाख रुपैयाँ सुठौली भन्सार कार्यालयमा बुझाइएको प्रहरी निरीक्षक देवकोटाले जानकारी दिए ।
