काठमाडौं । स्पेनी सुपर कपको उपाधि बार्सिलोनाले जितेको छ ।
गएराति साउदी अरेबियामा भएको फाइनल खेलमा रियललाई ५-२ गोलले हराउँदै बार्सिलोनाले उपाधि उचालेको हो ।
खेलको पाँचौ मिनेटमा किलियन एमबाप्पेले गोल गर्दै रियललाई सुरुवाती अग्रता दिलाएका थिए । २२ औं मिनेटमा लामिने यामलले गोल गर्दै बार्सिलोनालाई १-१ को बराबरीमा ल्याए ।
३६ औं मिनेटमा रोबर्ट लेवान्डोस्कीले पेनाल्टीमा गोल गर्दै बार्सिलोनालाई २-१ ले अघि बढाए । ३९ औं मिनेटमा राफिन्हाले तथा खेलको इन्जुरी समयमा अलेजान्ड्रो ब्लेडले गोल गर्दै बार्सिलोनालाई ४-१ गोलले अग्रता दिलाए ।
यस्तै, ४८ औं मिनेटमा राफिन्हाले व्यक्तिगत दोस्रो तथा टोलिका लागि पाँचौ गोल गरे ।
६० औं मिनेटमा रोड्रीगोले गोल गर्दा रियल २-५ गोलको अवस्थामा आयो । त्यसपछि दुबै टोलिबाट थप गोल हुन सकेन र बार्सिलोना विजयी बन्यो । ५६ औं मिनेटमा बार्सिलोनाका ओसेज सेज्नीले रातो कार्ड खाएका थिए ।
बार्सिलोनाको यो सर्वाधिक पन्ध्रौं उपाधि हो । रियलले १३ औं पटक उपाधि जितेको छ ।
