काठमाडौं । जय ट्रफी एलिट कप अन्तर्गत समूह चरणको पाँचौं खेलमा मधेश प्रदेशले त्रिभुवन आर्मी क्लबलाई २८ रनको लक्ष्य दिएको छ ।
वीरगञ्जमा जारी खेलमा पहिलो इनिङमा सस्तैमा समेटिएको मधेशले दोस्रो इनिङमा आर्मीविरूद्ध २७ रनले मात्र अग्रता बनाएको छ । दोस्रो दिन ६४.१ ओभर खेलेर मधेशले जम्मा १५० रन बनायो ।
मयन यादवले सर्वाधिक ४९ रन बनाए कप्तान हरिशंकर साह १४२ बलमा २५ रन बनाए । आर्मीका बसिर अहमदले ४ विकेट लिए । साहब आलमले ३ तथा आकाश चन्दले २ विकेट लिए ।
पहिलो इनिङमा आर्मीको २२५ रन बनाएको थियो भने मधेश १०२ रनमा समेटिएको थियो । यस खेलमा विजयी भए आर्मीले फाइनलमा स्थान बनाउने छ ।
