काठमाडौं । प्रधानमन्त्री केपी शर्मा ओलीको चीन भ्रमणका क्रममा अन्ततः बिआरआइमा सहमति भएको छ । मंगलबार चीनका राष्ट्रपति सि चिनफिङ तथा चिनियाँ प्रधानमन्त्री लि छ्याङसँगको द्विपक्षीय भेटवार्तापछि चीनसँग सो सहमति भएको हो ।
यसअघि नेपालले तयार गरेको बिआरआई कोअपरेसन फ्रेमवर्कमा ग्रान्ट अर्थात् अनुदान शब्द लेखिएकामा सबै अनुदान दिन नसकिने भन्दै चीनले असहमित जनाएको थियो ।
त्यसपछि नेपालको सो फ्रेमवर्कमा संशोधन गरेर एड अर्थात् सहायता भन्ने शब्द राखिएको समाचार स्रोतले बतायो । यो पनि सहयोग नै भएको बुझाई दुवै तर्फको भएपछि बिआरआईमा हस्ताक्षर हुने भएको हो ।
अनुदानमा चीनले परियोजनाहरु सबै गर्न नसकिने भनेपछि नेपालले त्यसमा नेपालले पुनः संशोधन गरेर एड राखिएको छ । तर त्यस अन्तर्गत गरिने परियोजनाहरु भने फाइनल गर्न बाँकी रहेको छ ।
अहिले कुन कुन परियोजनाहरु बिआरआइ अन्तर्गत चीनले नेपाललाई दिने भन्ने विषयमा छलफल भइरहेको प्रधानमन्त्रीको भ्रमण दललका एकजना सदस्यले जानकारी दिए ।
उनले सो विषयमा सहमति भएपछि अब त्यसमा नेपालका तर्फबाट परराष्ट्र सचिवले हस्ताक्षर गर्ने भएका छन् । केही छिनमा सो दस्ताबेजमा हस्ताक्षर हुने र संयुक्त प्रेस वक्तव्य जारी गर्ने तयारी भएको सो स्रोतले भन्यो ।
