काठमाडौँ । पूर्वराजा ज्ञानेन्द्र शाह सपरिवार नेपालगञ्ज जानुहुने भएको छ । साविकको मध्य र सुदूरपश्चिमका विभिन्न जिल्लाको भ्रमणको सिलसिलामा पूर्वराजा शाह नेपालगञ्ज जान लाग्नुभएको हो ।
सोमबार अपरान्ह पूर्वराजा सपरिवार नेपालगञ्ज पुग्ने भएपछि हिन्दुवादी र राजावादीले भब्य स्वागत गर्ने गरी तयारी गरेका छन् । नेपालगञ्ज विमानस्थलबाट बासस्थान सोल्टीसम्म नाराबाजीका साथ स्वागत गर्ने तयारी गरिएको छ ।
पूर्वराजपरिवारका सदस्य नेपालगञ्जमा एक महिनाबढी बस्ने बताइएको छ । नेपालगञ्जमा मुकाम बनाएर पूर्वराजाको विभिन्न जिल्लामा सवारी हुने छ ।
पूर्वराजपरिवारका सदस्य वर्षेनीजसो नेपालगञ्जमा लामै समय बस्ने गरी जाने गरेका छन् । यसअघिको नेपालगञ्ज बसाईका क्रममा पूर्वराजा शाह र भारत उत्तरप्रदेशका मुख्यमन्त्री आदित्यनाथबीच भेट समेत भएको थियो ।
