चितवन । चितवनको भरतपुर अस्पतालमा दुई जना कोरोना संक्रमितको उपचारको क्रममा मृत्यु भएको छ । सूचना अधिकारी लिलाधर पौडेलका अनुसार धादिङको निलकण्ठ नगरपालिका–३ बस्ने ६१ वर्षीया महिला र भरतपुर महानगरपालिका–१० बस्ने ७९ वर्षीय पुरुषको मृत्यु भएको हो । ७९ वर्षीय पुरुषमा यही कात्तिक १३ गते कोरोना संक्रमण पुष्टि भएको थियो । स्वास्थ्य जटिल बन्दै गएपछि उनलाई सोही दिन कोभिड आईसीयूमा राखेर उपचार सुरु गरिएको थियो ।
उनको आइतबार राति १ः२० बजे उनको मृत्यु भएको भरतपुर अस्पतालका सूचना अधिकारी पौडेलले बताए । यसैगरी ६१ वर्षीया महिलाको सोमबार बिहान २ः५५ बजे मृत्यु भएको छ ।
श्वासप्रश्वासमा समस्या भएपछि यही कात्तिक ५ गते उनी अस्पतालको आइसोलेसनमा भर्ना भएकी थिइन् । कात्तिक ९ गते कोभिड आईसीयूमा राखी उपचार गरिएको थियो ।
