एजेन्सी । भारतको सिक्किम बस्ने ४५ वर्षीया महिलाको पेटबाट १२ वर्षअघि छोडिएको कैंची निकालिएको छ ।
उनका पतिले उक्त कैंची १२ वर्षदेखि पेटमा भएको बताएका छन् । महिलाको २०१२ मा सिक्किमको राजधानी गान्तोकको सर थुटोब नामग्याल मेमोरियल अस्पतालमा एपेन्डिक्सको शल्यक्रिया गरिएको थियो । सोहि क्रममा कैचि पेटमै छुटिएको उनले बताए ।
त्यतिबेलै शल्यक्रिया गरेको केही दिनपछि महिलाको फेरि पेट दुख्न थालेको थियो । धेरै चिकित्सकसँग सल्लाह गर्दा पनि दुखाइ नरोकिएको उनीहरुले ८ अक्टोबर २०२४ मा पेटको एक्स-रे गरेका थिए । एक्स-रे गर्दा पेटमा सर्जिकल कैंची रहेको थाह भएको महिलाको श्रीमानले बताए ।फेरि शल्यक्रिया गरी श्रीमती कैंची निकालिएको उनले बताए ।
चिकित्सकको लापरवाहीको खबर फैलिएपछि अस्पतालको चर्को आलोचना भईरहेको छ । अस्पताल प्रशासनमाथि पनि अनुसन्धान सुरु भएको छ ।
