काठमाडौं । नेपाल प्रिमियर लिग (एनपीएल)को अक्सन सुरु भएको छ । अक्सनको सुरुमा फास्ट बलर रिजन ढकाल बिक्री भए । उनलाई चितवन राइनोजले १० लाखमा खरिद गरेको हो ।
यस्तै, लुम्बिनी लायन्सले गोलाप्रथाबाट आशुतोष घिरैयालाई १० लाख रुपैयाँमा खरिद गरेको भने सुदूरपश्चिम रोयल्सले स्थानीय खेलाडी भोजराज भट्टलाई ४ लाख ५० हजार रुपैयाँमा किनेको छ ।
जनकपुर बोल्ट्सले गोलाप्रथाबाट १५ लाख खर्चेर ललित राजवंशीलाई अनुबन्ध गरेको छ भने गोलाप्रथाबाटै लुम्बिनी लायन्सले सूर्य तामाङलाई १५ लाखमा अनुबन्ध गरेको छ ।
यस्तै, लोकेश बमलाई गोलाप्रथामा विराटनगर किंग्सले १५ लाख रुपैयाँमा किनेको छ भने सुबास भण्डारीलाई २ लाख ५० हजारमा खरिद गरेको छ ।
विपिन रावललाई चितवन राइनोजले ८ लाख रुपैयाँ खर्चेर किनेको छ भने नरेन भट्टलाई विराटनगर किंग्सले २ लाख खर्चेर आफ्नो टोलीमा सामेल गरेको छ ।
