काठमाडौँ । काठमाडौँ र धादिङको सिमानामा पर्ने धादिङको धुनिबेसी नगरपालिका–९ झ्याप्लेखोलामा गएको पहिरोबाट हालसम्म २९ वटा शव निकालिएको छ ।
विंगर र बसभित्रबाट ती शवहरू निकालिएको प्रहरीले जनाएको छ । यसअघि शनिवार साँझ १४ वटा शव निकालिएको थियो ।
आइतबार बिहानैदेखि स्काभेटर लगाएर पहिरो हटाउनेक्रममा बसबाट थप शवहरू भेटिन थालेको हो ।
उक्त पहिरोमा कति वटा सवारी साधन पुरिएका छन् भन्नेबारे अझै यकिन हुन सकेको छैन ।
