काठमाडौँ । गायिका समीक्षा अधिकारी र अभिनेत्री पूजा शर्माबीच विवाद बढेको छ ।
गायिका अधिकारीले फिल्म चलाउन आफूलाई बारम्बार प्रहार गरेको भन्दै अभिनेत्री शर्मालाई चेतावनी दिएकी थिइन् । त्यसको काउन्टरमा अभिनेत्री शर्माले आफूलाई जोडेर नकरात्मक सन्देश दिएको भन्दै आपत्ति जनाएकी हुन् ।
‘आज गायिका बहिनिले मलाई जोडेर मेरो भिडियो शेयर गरेर जुन नकारात्मक सन्देश दिन खोजेकि छन् त्यसमा मेरो गम्भिर आपत्ति रहेको छ ।’ पूजा शर्माले सामाजिक सञ्जालमा भनेकी छन् ।
साथै, उनले मिडियामा आएका आफ्ना सम्पूर्ण सामाग्रीहरू नितान्त व्यावसायिक बताउँदै ती बाहेक आफ्ना र समीक्षाको पनि आफ्नो व्यक्तिगत जीवन रहेको भन्दै त्यसमा न आफूले कहिल्यै प्रतिक्रिया दिएको आगामि दिनमा पनि नबोल्ने वाचासहित सम्बन्धित सबैलाई पनि नबोल्न अनुरोध गरेकी छन् ।
उनले अन्त्यमा फिल्म आउनु अगाडि शत्रुहरु लाग्ने प्रतिक्रिया समेत दिएकी छन् ।
यो पनि पढ्नुस्ः अभिनेत्री पूजालाई चेतावनी दिँदै समीक्षाले भनिन् – ‘फिल्म चलाउन मलाई बारम्बार प्रहार नगर्नुस्’
