काठमाडौं । जुवातास खेल्दै गरेको अवस्थामा प्रहरीले ९ जनालाई पक्राउ गरेको छ । सोमबार जिल्ला प्रहरी परिसर काठमाडौं र प्रहरी वृत्त महाराजगञ्जको टोलीले उनीहरूलाई चुनदेबीबाट पक्राउ गरेको हो ।
पक्राउ पर्नेमा बूढानीलकण्ठ नगरपालिका-५ बस्ने २१ वर्षीय करिब देउला, सिन्धुपाल्चोकका ४६ वर्षीय अशोक लामा, ताप्लेजुङका ३८ वर्षीय नारायण लाबुङ, काठमाडौं बसन्तपुरका २१ वर्षीय निलेश महर्जन, काठमाडौंकै ४५ वर्षीय राजेश श्रेष्ठ, बुढानिकण्ठकी ३३ वर्षीया सरिता देउला, काठमाडौं डल्लुका ४८ वर्षीय दीपक महर्जन, काठमाडौं कालिमाटीका ४८ वर्षीय विवेक महर्जन र काठमाडौं डल्लुका ५२ वर्षीय प्रकाश शाही रहेका छन् ।
काठमाडौं महानगरपालिका-४ चुनदेवीस्थित यमकुमारी आलेको तीन तले घरको छतमा जुवा खेलेको र खेलाएको आरोपमा उनीहरूलाई नियन्त्रणमा लिएको परिसरका एसपी तथा प्रवक्ता नवराज अधिकारीले बताए ।
जुवा खेलेको स्थानबाट १३ वटा ओखरसहित १० लाख ११ हजार रुपैयाँ बरामद भएको छ ।
