काठमाडौं । किसान वर्षभरका लागि छाक जुटाउन यो महिना खेतीमा व्यस्त हुन्छन् । आजका दिन असारे भाकामा लोकदोहोरी गाउँदै छुपुछुपु हिलोमा धान रोपिन्छ । ‘छुपु र छुपु हिलोमा धान रोपेर छोडौँला, बनाई कुलो लगाई पानी आएर गोडौँला’ जस्ता लोक लयका गीत गाएर खेतमै रमाइलो पनि गरिन्छ ।
मध्य गर्मीको यो समयमा युवा लाठे र युवती रोपाहारले खेतका गराको हिलो छ्यापा छ्याप गरेर मनोरञ्जन गर्छन् । असारमा एकपटक हिलोमा पस्नै पर्ने मान्यता पनि नेपालीमा समाजमा रहेको छ ।
यस वर्ष असार मध्यसम्म पनि पर्याप्तमात्रामा वर्षा नभएका कारण हुनुपर्ने जति धान रोपाइँ हुन सकेको छैन । कति ठाउँमा रासायनिक मलको पनि अभाव भएको गुनासो किसानले गर्ने गरेका छन् ।
विसं २०६१ मङ्सिर २९ गते मन्त्रिस्तरीय निर्णय गरी २०६२ साल असार १५ गतेदेखि राष्ट्रिय धान दिवस मनाउन थालिएको हो । कृषि प्रधान देश भएकाले नेपालका अधिकांश जनतको पेसा खेतीपाती हो ।
धनगढी उपमहानगरपालिका–११ बेलामा २१ औँ राष्ट्रिय धान दिवस तथा रोपाइँ कार्यक्रममा शनिबार समूहिक रुपमा धान रोप्दै जिल्ला समन्वय समिति कैलालीका प्रमुख खगराज भुसाललगायत सरकारी निकायका कर्मचारी । तस्बिर: मीन ठकुरी÷रासस
एक्काइसौँ राष्ट्रिय धान दिवसको अवसरमा नेपाल किसान महासङ्घले नुवाकोटका लिखु गाँउपालिका–६ मा आयोजना गरेको बृहत् रोपाई कार्यक्रममा रोपाइँमा सहभागी हुँदै नेपाली काँग्रेसका प्रवक्ता डा प्रकाशशरण महत । तस्बिर: रामहरि न्यौपाने-रासस
राष्ट्रिय धान दिवस तथा रोपाइँ महोत्सव अवसरमा शनिबार अर्घाखाँचीकोे सन्धिखर्क– १ सुक्मी फाँटमा रोपाइँ गर्दै रोपाहारहरू । तस्बिरः प्रेमनारायण आचार्य÷रासस
राष्ट्रिय धान दिवस अवसरमा तारकेश्वर नगरपालिका– १० स्थित मनमैजुमाको खेतमा रोपाइँ सहभागी रोपाहार । तस्बिर: हरिराम भेटुवाल÷रासस
भरतपुर महानगरपालिका– ६ मा एक्काइसौँ राष्ट्रिय धान दिवस तथा रोपाइँ कार्यक्रममा हिलो खेल्दै स्थानीय महिलाहरू । तस्बिर ः प्रदीपराज वन्त÷रासस
भरतपुर महानगरपालिका– ६ मा एक्काइसौँ राष्ट्रिय धान दिवस तथा रोपाइँ कार्यक्रममा विद्यालयका बालबालिका हिलो खेल्दै । तस्बिर: प्रदीपराज वन्त-रासस
दाङको घोराही उपमहानगरपालिका–१८ स्थित संखेपिपलमा उपमहानगरपालिकाको कृषि तथा पशु पन्छी व्यवसाय प्रवर्धन शाखाको आयोजनामा २१औँ राष्ट्रिय धान दिवसको अवसरमा गरिएको रोपाइँ कार्यक्रमका रोपहारहरु। तस्बिर ः कुलदीप न्यौपाने ÷ रासस
एक्काइसौ राष्ट्रिय धान दिवसको अवसरमा तारकेश्वर नगरपालिका– १० स्थित मनमैजुमा स्थानीय किसान खेतमा रोपाइँ गर्दै। तस्बिर ः हरिराम भेटुवाल रासस
धान दिवस तथा रोपाइँ महोत्सवका अवसरमा करेसाबारी कृषि सहकारी संस्थाले शनिबार सुनसरीको इनरुवामा आयोजना गरेको रोपाइँ कार्यक्रममा धान रोप्दै पुरुष रोपाहार । तस्बिर ः नवीन गड्तौला÷रासस
चितवनको भरतपुर महानगरपालिका– ६ स्थित धान दिवसको उपलक्ष्यमा रोपाइँका लागि खेत सम्याउन गोरुहल हिल्याउँदै एक किसान । तस्बिर ः प्रदीपराज वन्त÷रासस
राष्ट्रिय धान दिवसकाे अवसरमा भद्रपुर नगरपालिकाले आयाेजना गरेकाे कार्यक्रममा धान राेप्दै सहभागी तस्बिर : दिपक चन्द/ रासस
पोखरा महानगरपालिका ३२ तल्लो गगनगौडामा रोप्नका लागि तयार गरेको खेत र उड्दै गरेका बकुल्ला । तस्बिर : वासुदेव पौडेल / रासस
फोटो- रासस
