म्याड्रिड । शनिबार स्पेनी ला लिगामा रियल म्याड्रिडले लयमा रहेको सेल्टा भिगोलाई २–० ले हराएर शीर्ष स्थानमा उक्लेको छ । टोलीका लागि स्पेनी खेलाडी जोडी लुकास भाजक्वेज र मार्को एसेनसोले गोल गरे ।
यो जितपछि रियलको ३६ अंक भएको छ । छिमेकी एटलेटिको म्याड्रिडमाथि यो एक अंकको अग्रता हो ।
तर दोस्रो स्थानमा रहेको एटलेटिकोले तीन खेल कम खेलेको छ । एटलेटिको आइतबार एलाभेसको भ्रमणमा निस्कनेछ । शनिबारको अर्को खेलमा रियल भालाडोलिडले गेटाफेलाई १–० ले पराजित गर्यो ।
