काठमाडौं । नेपाल कम्युनिष्ट पार्टी नेकपाको नेपाल-दाहाल समूहको स्थायी समिति बैठक पेरिसडाँडामा शुरु भएको छ । नेकपा एमालेसँग पार्टी एकता गर्नुपूर्व एकिकृत नेकपा माओबादीको मुख्यालय रहेको पेरिसडाँडास्थित पार्टी कार्यालयमा आज अपरान्ह १ बजेबाट सो बैठक शुरु भएको हो ।
आजको बैठकमा प्रधानमन्त्री केपी ओलीले प्रतिनिधिसभाको विघटन गरेपछिको विकसित राजनीतिक अवस्थामा कसरी अघि बढ्ने भन्ने विषयमा केन्द्रित हुने बताइएको छ ।
संसद विघटनको विरोध गर्दै दाहाल नेपाल समूहले त्यसका विरुद्धमा आन्दोलन शुरु गरिसकेको छ । सो समूहले प्रधानमन्त्री केपी ओली र वर्तमान सरकारका विरुद्धमा आन्दोलन जारी राखेका छन्
यस बैठकमा सो समूहले शुरु गरीसकेको आन्दोलनको समिक्षा गर्ने र दोश्रो चरणको आन्दोलनको तयारी बारे छलफल हुने एक स्थायी समिति सदस्यले जानकारी दिएका छन् ।
दाहाल-नेपाल समूहले पुस २० देखि माघ २३ गतेसम्म प्रधानमन्त्री ओलीको विरोध गर्दै संसद पुनस्र्थापनाका लागि संघर्ष गर्ने गरी आन्दोलनको घोषणा गरेको छ । त्यस आन्दोलनको प्रभावकारिताका साथैआन्दोलनका थप कार्यक्रमका बारेमा छलफल गर्ने बताइएको छ ।
