काठमाडौँ । सिटिजन्स बैंक इन्टरनेसेनलले तिनाउ मिसन डेभलपमेण्ट बैंकलाई प्राप्ति गर्ने गरी आज अन्तिम सम्झौता पत्रमा हस्ताक्षर गरेको छ ।
सिटिजन्सको मुख्य कार्यालय नारायणहिटी पथमा आयोजित एक कार्यक्रमका बीच संचालक तथा मर्जर तथा प्राप्ति समितिका संयोजक प्रवलजंग पाण्डे र तिनाउ मिसनका तर्फबाट संचालक तथा मर्जर तथा प्राप्ति समितिका संयोजक राजेन्द्रप्रसाद ओझाले सम्झौता पत्रमा हस्ताक्षर गरेका हुन् ।
सिटिजन्स बैंकले तिनाउ मिसनलाई प्राप्ति गरेपछि बैंककोे निक्षेप करिव १२४ अर्ब तथा ऋण लगानी करिव १०२ अर्ब रुपियाँ पुग्नेछ । प्राप्ति पश्चात बैंकको कुल १६३ शाखा हुनेछ । सहमति अनुसार, तिनाउ मिसनका शेयरधनीले १०० कित्ता शेयर बराबर सिटिजन्सको ९६ कित्ता शेयर पाउनेछन् । सिटिजन्स बैंकको हालको चुक्ता पूँजी ९ अर्ब ८१ करोड रुपैयाँ रहेकोमा प्राप्ति पछिको चुक्ता पूँजी ११ अर्ब ६६ करोड रुपैयाँ हुनेछ ।
दुवै बैंकले आ-आफ्नो विशेषरसाधारण सभाबाट प्राप्ति सम्बन्धी विशेष प्रस्ताव पारित गरी नेपाल राष्ट्र बैंकको अन्तिम स्वीकृति पछि एकीकृत कारोबार गर्ने जनाइएको छ । दुवै बैंकले गत कार्तिक १ गते प्राप्तिका लागि प्रारम्भिक समझदारीमा हस्ताक्षर गरेका थिए ।
