एजेन्सी । अष्ट्रेलियाले टी-२० विश्वकप २०२४ को विजयी सुरुवात गरेको छ । पहिलो खेलमा अष्ट्रेलियाले ओमानलाई ३९ रनले पराजित गरेको थियो ।
विश्वकपको पहिलो खेलमा प्याट कमिन्स मैदान बाहिर बसेका थिए । यतिबेला प्याट कमिन्सको तस्बिर सामाजिक सञ्जालमा निकै भाइरल भइरहेको छ । तस्विरमा प्याट कमिन्स ड्रिंक ब्रेकको समयमा पेय बोक्दै गरेको देखिन्छन्।
विश्वकप र आईसीसी टेस्ट च्याम्पियनसिप जितेका कप्तानले आफ्ना खेलाडीहरुलाई ड्रिंक बोकेर मैदानमा जादै गर्दा क्रिकेट फ्यानहरूले यो पल निकै विशेष रहेको बताएका छन् । कमिन्समा कुनै घमण्ड नरहेको भन्दै फ्यानहरुले उनको खुलेर तारिफ गरेका छन् ।
टी-२० विश्वकपमा अष्ट्रेलियाको कप्तानी अलराउन्डर मिचेल मार्सले गरेका छन् । ओमानविरुद्ध पहिले ब्याटिङ गरेको अस्ट्रेलियाले २० ओभरमा ५ विकेट गुमाएर १५४ रन बनाएको थियो । जवाफमा ओमानको टोलीले २० ओभरमा ९ विकेट गुमाएर १२५ रन मात्र बनाएको थियो ।
