काठमाडौँ । प्रहरीले लागुऔषध कोकिनसहित एक विदेशी महिलालाई पक्राउ गरेको छ ।
ठमेलस्थित एक होटलबाट प्रहरीले कंगोकी एकजना महिलालाई १ केजी १०१ ग्राम कोकिन सहित पक्राउ गरेको हो ।
पक्राउ पर्नेमा कङ्गो घर भएकी ४९ वर्षीय अपुला इकुसु म्बोङ्गो रहेकी छिन् ।
लागुऔषध नियन्त्रण ब्युरोको टोलीले दुबईबाट आएकी म्बोङ्गोलाई काठमाडौँ ओर्लिएदेखि नै पिछा गरेको थियो । ठमेलस्थित एक होटलबाट पक्राउ गरेर उनको साथबाट ५८ पोका कोकिन बरामद गरिएको ब्युरोका एसपी रामेश्वर कार्कीले जानकारी दिए ।
उनको साथबाट बरामद कोकिनको मूल्य ३ करोड ८५ लाख हुने बताईएको छ । यसबारे थप अनुसन्धान भईरहेको एसपी कार्कीले बताए ।
