एजेन्सी । आईपीएल २०२४ को फाइनलमा सनराइजर्स हैदरावाद र कोलकाता नाइट राइडर्सको टोली आमनेसामने हुँदैछन् । दुई टोलीबीचको खेल चेन्नईको चेपौक रंगशालामा हुनेछ । यो खेल नेपाली समय अनुसार साँझ ७ः४५ बजे सुरु हुनेछ ।
हालसम्म कोलकाता नाइट राइडर्सले २ तथा सनराइजर्स हैदरावादले १ पटक आईपीएलको उपाधि जितेका छन् । यो खेलअघि भारतीय पूर्व क्रिकेटर तथा मिस्टर आईपीएल भनेर चिनिने सुरेश रैनाले आफ्नो बयान दिएका छन् ।
सनराइजर्स हैदरावादको च्याम्पियन बन्ने सम्भावना बढी रहेको सुरेश रैनाको विश्वास छ, यसका पछाडि प्याट कमिन्स छन् । कप्तान भएर विश्वकप जितेका यी खेलाडीलाई ठूला खेलमा ड्रेसिङ रुमको वातावरण कसरी सुधार्ने भन्ने थाहा छ ।
यसरी, महत्त्वपूर्ण खेलहरूमा टोलीका सबै खेलाडीहरूले आफ्नो भूमिका जान्नुपर्दछ । यसो भयो भने खेलमा जित निकाल्न सहज हुन्छ ।
यसका साथै सुरेश रैनाले सनराइजर्स हैदरावादले आफ्नो बलमा खेल्नुपर्ने र यो टोलीको बलियो पक्ष ब्याटिङ गर्ने भएकोले टस जितेर पहिले ब्याटिङ गर्नुपर्ने बताए ।
सुरेश रैनाले फाइनलमा कोलकाता नाइट राइडर्सविरुद्ध पहिले ब्याटिङ गर्दै सनराइजर्स हैदरावादले ठूलो स्कोर बनाउन सफल भए श्रेयस अय्यरको टोलीमाथि दबाब पर्ने बताए ।
साथै, सनराइजर्सका ब्याट्सम्यानले सुनिल नारायण र वरुण चक्रवर्तीको स्पेल कसरी खेल्छ भन्ने कुरा पनि रोचक हुनेछ । यी दुईका ८ ओभर खेलमा महत्वपूर्ण कारक साबित हुन सक्छन् । तर प्याट कमिन्सको अनुभवलाई हेर्दा सनराइजर्स हैदरावाद हावी देखिन्छ ।
