काठमाडौँ । गीतकार तथा नेपाल राष्ट्र बैंकका पुर्व डेपुटी गभर्नर तथा हाल नेपाल राष्ट्र वैकका संचालक समितिका सदस्य चिन्तामणी सिवाकोटी द्वारा रचना गरिएको रिटिङ रिटिङ मा वोलको गीतको म्युजिक भिडियो रिलिज भएको छ ।

दिपक लिम्बु र वेनीशा पौडेलको युगल स्वर रहेको गीतमा संगीत दीपक शर्मा ,एरेन्ज नरेन्द्र वियोगी रेकर्डिस राजेश थापा र मास्टरिङ्ग किशोर थापाको रहेको छ भने गीत ए वान म्यूजिसियन स्टुडियोमा रेकर्डिङ भएको थियो । म्युजिक भिडियो मा चर्चित कलाकार जोडी गरिमा शर्मा र विमल अधिकारीको राम्रो अभिनय हेर्न सकिन्छ ।अहिले वजारमा एकदमै चर्चित गीत यहि त होनी मायाँ पछि यही जोडी लाई लिएर म्युजिक भिडियो वनेकोमा गीत संगीत क्षेत्रका सरोकार वाला हरु वाट निर्देशक कृष्णदेव रुपाखेती लाई धन्यवाद तथा म्युजिक भिडियो गुणस्तर मा उच्च स्तरको रहेको प्रारम्भिक प्रतिक्रिया प्राप्त भएका छन् ।

चर्चित कोरियोग्राफर काजिस श्रेष्ठ को कोरियोग्राफी छायाङ्कन उत्सव दाहाल भिडियो सम्पादन तथा कलर विनोद वाम मेकअप नन्दा अधिकारी सहायक कोरियोग्राफर प्रशान्त मगरको रहेको छ भने निर्देशनमा अहिलेका एकदमै व्यस्त प्रतिष्ठीत निर्देशक कृष्णदेव रुपाखेतीको रहेको छ ।

काभ्रेको पाँच खालमा हालै छायाङ्कन गरिएको यो म्युजिक भिडियो अव्वल भएकोमा गीतकार चिन्तामणी सिवाकोटी एकदमै खुशी हुदै निर्देशक लगायत सम्पूर्ण टीम लाई धन्यवाद दिनु भएको छ ।
नेपाली ग्रामीण जनजीवन को जीवन्त कथा वस्तु र स्थानीय परिवेश लाई समेटिएको यस म्युजिक भिडियो मार्फत आन्तरिक पर्यटन प्रवर्द्धन मा योगदान पुग्न सक्ने विश्वास गर्नु हुन्छ गीतकार सिवाकोटी ।

मौलिक नेपाली लोक लयमा तयार भएको यो म्युजिक भिडियो Chintamani YouTube च्यानल मा उपलब्ध छ।