काठमाडौँ । नेपालका कप्तान रोहित पौडेलको शतकमा नेपालले वेष्ट इन्डिज ‘ए’लाई हराएको छ ।
५ खेलको टी-२० सिरिजको पहिलो खेलमा नेपालले वेष्ट इन्डिज ‘ए’ लाई ४ विकेटले पराजित गरेको हो ।
वेष्ट इन्डिज ‘ए’ ले दिएको २०५ रनको लक्ष्य पछ्याएको नेपालले १९ ओभर ४ बलमा ६ विकेट गुमाएर पूरा गर्यो ।
नेपालको लागि कप्तान रोहित पौडेलले शानदार शतक बनाए । उनले ५४ बलमा १० चौका र ६ चक्का प्रहार ५४ बलमा १० चौका र ६ चक्का प्रहार गर्दै १ सय १२ रन बनाए ।
यस्तै, गुलशन झा ९ र प्रितिश जिसी ५ रनमा अविजित रहे ।नेपाललाई अन्तिम ओभरमा जितको लागि ९ रन आवश्यक थियो । प्रतिश र गुल्शनले पहिलो र दोस्रो बलमा एकएक रन लिए । तेस्रो र चौथो बलमा गुल्शनले लगातार चौका हान्दै नेपाललाई जित दिलाए ।
दीपेन्द्रसिंह ऐरीले १८ बलमा २ चौका र १ छक्कासहित २४ रन बनाए । कुशल भुर्तेलले १६, विवेक यादवले ७ र अनिल शाहले ५ रन बनाए ।
त्यसअघि टीयु क्रिकेट मैदानमा टस हारेर पहिला ब्याटिङको निम्तो पाएको वेष्ट इन्डिज ‘ए’ ले निर्धारित २० ओभरमा ५ विकेट गुमाउँदै २०४ रन बनाएको थियो ।
वेष्ट इन्डिज ‘ए’ का लागि कप्तान रोस्टन चेजले सर्वाधिक रन बनाएका थिए । उनले ४६ बलमा ७४ रन बनाए । यस्तै, केसी कार्टीले ३८, कडीम एलेनले१४, , आन्द्रे फ्लेचरले १३ रन बनाए ।
नेपालको लागि कमलसिंह ऐरी, दीपेन्द्रसिंह ऐरी, कप्तान रोहित पौडेल र अभिनाश बोहराले समान एक एक विकेट लिएका थिए ।
