एजेन्सी । फ्रान्सका ३२ वर्षका एन्थोनी लोफ्रेडोले आफ्नो शरीरलाई पूर्ण रुपमा रुपान्तरण गरेका छन्। उनले बाहिरी संसारका काल्पनिक मानिस ‘ब्ल्याक एलिएन’ जस्तै देखिन शरीरभर ट्याटु खोपेका छन्। उनले आफ्नो नाक, ओठ र जिब्रो पनि काटेको द मिररले जनाएको छ। तर यतिबेला उनी राम्रोसँग बोल्न सक्दैनन्।
फ्रान्समा नाक, ओठ र जिब्रोलाई काटेर सर्जरी गर्न वैधानिक मानिदैन त्यसकारण उनले आफ्नो शरीरमा बदलाव ल्याउन स्पेनमा सर्जरी गराएका हुन्। जिब्रोलाई दुईटा देखिन जिब्रो काटेका उनले पछिल्लो समय ओठको माथिल्लो भाग र नाकलाई हटाएका हुन्।
तर यतिबेला उनले आफूले राम्रोसँग बोल्न नसकेको गुनासो गरिरहेका छन्। उनको असामान्य रुपकै कारण उनको सामाजिक संजालमा लाखौं फलोवरहरु छन्। आफूलाई डरलाग्दो पात्रको रुप मनपर्ने उनको भनाइ छ।
