काठमाडौ । खानेपानी मन्त्री मणि थापा र विप्लवले नेतृत्व गरेको नेकपाका नेता हेमन्तप्रकाश वलीबीच छलफल भएको छ ।
बन्दीगृहको अबस्था बुझ्न भन्दै नख्खु कारागर पुगेर मन्त्री थापाले नेत्रविक्रम चन्द विप्लव नेतृत्वको नेपाल कम्युनिस्ट पार्टीका नेता हेमन्तप्रकाश वलीसँग छलफल गर्नुभएको हो । पुर्व सहकर्मी समेत रहेका मन्त्री थापा र वलीबीच कारागारको अवस्था बाहेक अन्य राजनीतिक विषयमा समेत कुराकानी भएको जनाईएको छ ।
पछिल्लो समय विप्लव प्रति केही नरम देखिनु भएका प्रधानमन्त्री केपि ओलीले सम्बाद गरी समस्या समाधानका लागि पुर्व माओबादीका नेताहरुलाई नै जिम्मा दिएको एक मन्त्रीले जानकारी दिनुभयो । ती मन्त्रीकाअनुसार विप्लव समुहसँगको छलफल निकै सकारात्मकरुपमा अघि बढेको र केही दिनमा परिणाम देखिन सक्ने बताउनु भएको छ ।
