एजेन्सी । इन्डियन प्रिमियर लिग (आईपीएल) को १७ औं सिजनमा आईतबार दुई खेल हुँदैछ । पहिलो खेलमा गुजरात टाइटन्स र सनराइजर्स हैदरावाद भिड्दैछन् । नरेन्द्र मोदी स्टेडियममा हुन लागेको खेल नेपाी समयअनुसार दिउँसोको ३:४५ बजेबाट सुरु हुनेछ ।
दोस्रो खेलमा दिल्ली क्यापिटल्सले पाँच पटकको च्याम्पियन चेन्नई सुपर किंग्सको सामना गर्नेछ ।
आज गुजरात र हैदरावाद यस सिजनको तेस्रो खेल खेल्दैछन् । गुजरातले पहिलो खेलमा मुम्बईलाई हराएको थियो भने दोस्रो खेलमा चेन्नईसँग हार बेहोरेको थियो ।
यस्तै, हैदरावाद पहिलो खेलमा कोलकातासँग पराजित भएको थियो भने दोस्रो खेलमा मुम्बईलाई किर्तीमानी रन बनाउदै हराएको थियो ।
गुजरातमा कप्तान शुभमन गिल, साई सुदर्शन, डेभिड मिलर, अजमातुल्लाह ओमरजाई, विजय शंकर जस्ता ब्याट्सम्यान छन् । बलिङमा राशिद खान र नूर अहमद जस्ता गुणस्तरीय स्पिनरहरू छन । यस्तै, पेसरमा अनुभवी उमेश यादव, मोहित शर्मा र स्पेन्सर जोनसन रहेका छन् ।
गिलले अहमदाबादमा खेलेको आईपीएलका १३ इनिङ्समा ७ सय रन बनाएका छन् । यस मैदानमा बनेका व्यक्तिगत उच्चतम स्कोर (१२९ रन) पनि उनको नाममा छ। साई सुदर्शनले यस सिजनका दुई खेलमा ८२ रन बनाएर सर्वाधिक स्कोरर बनेका छन् । टोलीका लागि सर्वाधिक विकेट स्पेन्सर जोन्सनले लिएका छन् । उनले ३ विकेट लिएका छन् ।
यता, हैदरावाद टोलीमा हेनरिक क्लासेन, मयंक अग्रवाल, ट्राभिस हेड, अभिषेक शर्मा र एडेन मार्कराम जस्ता टक्करका ब्याट्सम्यान छन् । क्लासेनले यस सिजनमा खेलेका दुवै खेलमा उत्कृष्ट पारी खेल्दै १५ छक्का प्रहार गरेका छन्। बलिङको कमाण्ड भुवनेश्वर कुमार, टी नटराजन र जयदेव उनाडकटको हातमा छ ।
हेड-टु-हेड
आईपीएलमा गुजरात र हैदरावाद बीच हालसम्म तीन खेल खेलिएको छ । जसमा गुजरातले २ र हैदरावाद १ जितेको छ।
पिच रिपोर्ट
अहमदाबादको पिच ब्याटिङमैत्री मानिन्छ। स्टेडियमको तेज आउटफिल्डले पनि ब्याट्सम्यानलाई मद्दत गर्छ। यहाँ अहिलेसम्म २८ आईपीएल खेल खेलेको छ ।
मौसम अवस्था
आइतबार अहमदाबादको तापक्रम २४ डिग्री सेल्सियसदेखि ३७ डिग्री सेल्सियससम्म रहने मौसम विभागले जनाएको छ । वर्षाको कुनै सम्भावना छैन ।
गुजरात टाइटन्सको प्लेईङ ११:
शुभमन गिल (कप्तान), ऋद्धिमान साहा, साई सुदर्शन, अजमातुल्लाह ओमरजाई, डेभिड मिलर, शाहरुख खान, राहुल तेवाटिया, राशिद खान, उमेश यादव, मोहित शर्मा र स्पेन्सर जोनसन।
इम्पैक्ट प्लेयर: विजय शंकर।
सनराइजर्स हैदरावादको प्लेईङ ११:
प्याट कमिन्स (कप्तान), ट्राभिस हेड, मयंक अग्रवाल, अभिषेक शर्मा, एडेन मार्कराम, हेनरिक क्लासेन, अब्दुल समद, शाहबाज अहमद, जयदेव उनाडकट, भुवनेश्वर कुमार, मयंक मार्कंडे।
इम्पैक्ट प्लेयर: उमरान मलिक।
