काठमाडौं । नेकपा प्रचण्ड–नेपाल समूहका अध्यक्ष पुष्पकमल दाहालले प्रधानमन्त्री केपी ओलीको ठाडो आदेशमा रामकुमारी झाँक्रीलाई पक्राउ गरिएको आरोप लगाएका छन् । बिहिबार पेरिसडाँडामा आयोजित एक कार्यक्रममा प्रचण्डले प्रधानमन्त्री ठाडो आदेशमा रामकुमारीको पक्राउ लोकतन्त्रमाथिको हमला भएको बताए हुन् ।
‘रामकुमारीले लोकतन्त्र प्रति प्रखर रुपमा बोल्नुभयो भनेर पक्राउ गरियो । यो लोकतन्त्र माथिको आक्रमण हो’, प्रचण्डले भने ।
प्रचण्डले प्रधानमन्त्री ओलीलाई बारम्बार रामकुमारीलाई पक्राउ नगर्न आग्रह गर्दा पनि ठाडो आदेशमा पक्राउ गरिएको बताए । यसबारेमा आफूले निर्णय गर्ने पनि उनले जानकारी दिए ।
प्रहरीले झाँक्रीलाई राज्यविरुद्धको कसुर गरेको आरोपमा घरबाटै पक्राउ गरेको छ ।
