काठमाडौँ । नेकपा (एमाले) मधेश सरकारमा जाने भएको छ । सरकारमा जान सहमत भएपछि मधेश प्रदेशका मुख्यमन्त्री सरोजकुमार यादव मन्त्रिपरिषद् पुनर्गठनको तयारीमा जुटेका छन् ।
केन्द्रमा सत्ता गठबन्धन परिवर्तन भए पनि मधेश प्रदेशमा नेपाली कांग्रेस सरकारबाट हटेको छैन । कांग्रेसबाट तीन जना मन्त्री छन् ।
उनीहरूलाई हटाएर एमालेका तीन जनालाई मन्त्री बनाउने तयारी भइरहेको बताइएको छ । अहिले कांग्रेसको भागमा रहेका मन्त्रालयलाई नै एमालेलाई दिन लागिएको जनाइएको छ ।
मधेश प्रदेशका नवनियुक्त प्रदेश प्रमुख सुमित्रा सुवेदी भण्डारीले कार्यभार ग्रहण नगरेका कारण सरकार विस्तारमा ढिलाइ भएको हो । प्रदेश प्रमुख भण्डारीले सोमबार कार्यभार ग्रहण गरेसँगै मुख्यमन्त्री यादवले मन्त्रिपरिषद् पुनर्गठन गर्न लागेका हुन् ।
१०७ सदस्यीय मधेश प्रदेश सभामा बहुमतका लागि ५४ सांसद आवश्यक पर्छ । एमालेका सभामुखसहित २४, जसपाका १९, माओवादीका ९ र नेकपा (एकीकृत समाजवादी) का सात सांसद छन् । मधेश सरकारमा गठबन्धनमा आवद्ध दलको बहुमत छ ।
