काठमाडौं । नेपाली काँग्रेस आज देशव्यापी आन्दोलनमा उत्रिएको छ । सो दलले देशका सबै जिल्ला नगरमा सभा र विरोध प्रर्दशनहरु गर्दैछ । खासमा यो दुई किसीमले आन्दोलनको स्वरुप अघि सारिएको छ ।
पहिलो हो प्रधानमन्त्री केपी केपी ओलीले गरेको संसद विघटनको विरोध अनि दोस्रो चुनावको तयारी । यी दुई आन्दोलनका स्वरुप काँग्रेसले बीचमा बसेर तय गरेको छ ।
आन्दोलनका यी दुई स्वस्पले पार्टीभित्र प्रतिनिधि सभाको विघटनपछि देखिएका दुवै धारको प्रतिनिधित्व गर्दैछ । काँग्रेसमा रामचन्द्र पौडेलेका धार अहिलेको सरकारको कदमको व्यापक विरोध गरेर देशव्यापी आन्दोलन गर्ने र संसदको पुनस्र्थापनाको माग गर्ने ।
उनी प्रधानमन्त्रीको यो कदमको व्यापक विरोध गर्नुपर्छ भन्नेमा छन् । पौडेलले त यहाँसम्मको योजना बनाएका थिए कि नेकपासँग अलग्गिएको प्रचण्ड र माधव नेपालसँगै मिलेर संसद पुनस्र्थापनाका लागि आन्दोलन गर्नुपर्छ भन्नेमै थिए । जुन कुरा पार्टीका लाथि घतक हुन्थ्यो ।
काँग्रेस कम्युनिष्टसँग मिल्दा बदनामी बाहेक अरु केही हात नलाग्ने कुरा त हिजोका दिनमा देखिएकै छ । अहिले काँग्रेसजस्तो मुलुकको पुरानो प्रजातान्त्रिक पार्टीले निर्वाचनमा मतपत्र समेत च्यात्न लगाएको आरोप पार्टी सभापतिले खेपिरहेका छन् ।
अर्काे कुरा त्यही स्थानीय चुनावमा प्रचण्डसँग मिलेको काँग्रेसलाई प्रचण्डले यसरी धोका दिए कि पछि गएर काँग्रेस एक्ल्याृउन ओलीसँग मिले । निर्वाचनमा मिलेनन् मात्र त्यहाँ बडो नाटकीय रुपमा पार्टी नै एमालेसँग मिलाएको घोषणा समेत गरे । जसको परिणाम अहिले उनी नै भोगिरहेका छन् ।
यसरी कम्युनष्टिसँग मिल्दाको परिणामलाई अब काँग्रेसले विचार गर्नुपर्छ भन्नेमा सभापति शेरबहादुर देउवा छन् । काँग्रेसले मतपत्र च्यात्नेजस्तो अप्रजातान्त्रिक कदमको समर्थन गर्यो भनेर सभापति देउवालाई पार्टी भित्रै दोषारोपण गर्ने पौडेलहरुले अहिले उनी प्रचण्डहरुसँग मिलेर संसद पुनस्र्थापनाको आन्दोलन गर्नुपर्छ भनेको कुरामा देउवाको समर्थन भने छैन ।
केही दिनअघि सभापति देउवाले भनेका थिए– संसदमा बहस भइरहेको मुद्दामा हामीले सडकबाट जुलुश निकालेर केही हुदैन । नाराबाजीले नै संसदको पुनस्र्थापना गर्ने भए अदालत किन चाहियो ?
उनको यही अभिव्यक्तिकैबीच आज काँग्रेस देशव्यापी आन्दोलनमा उत्रिएको छ । सभापति देउवाले नै वर्तमान सरकारको सर्वसत्तावादका विरुद्ध आन्दोलनमा उत्रिन सबैलाई अपिल पनि गरेका छन् । काँग्रेसले चुनावी तयारीका लागि आन्दोलनलाई उपयोग गर्न सक्छ । निर्वाचनको निहुँमा जनताबीच जाने काँग्रेसका लागि यो उचित अवसर हुनसक्छ ।
उता नेकपाका दुई खेमाकाबीचमा आन्दोलन गर्ने, सभा गर्ने र बढीभन्दा बढी मानिस उतार्ने अनि एकले अर्काे पक्षलाई सत्तोसराप गर्ने खेल जारी नै छ । यसबाट सो दलको पनि थप केही उपलब्धि त भएको छैन, तर आफ्ना कार्यकर्ता आफ्नो कित्तामा राखिराख्ने अधिकतम प्रयास भने भएको छ ।
यस्तो माहोलमा काँग्रेस पनि चुप लागेर बस्नु हुदैन । आफ्ना कार्यकर्ता एवं नेपाली जनतामाझ आफ्ना कार्यक्रम लिएर जानु पनि पर्छ । त्यसैले पनि काँग्रेसको आजको आन्दोलन यही पक्षमा सार्थक हुनसक्छ ।
