काठमाडौँ । कर्णाली पुलमा ट्रकमा आगलागी भएको छ ।
ट्रकमा लागेको आगो पुलमा पनि सल्किएपछि आगोले भयानक रुप लिएको छ । पुलका लठ्ठामा समेत आगो सल्केको छ । सोमबार दिउँसो कैलाली र बर्दिया जोड्ने पुलमा आगलागी भएको हो ।
ट्रकमा रहेका चालक र सह–चालकको उद्धार गरिएको छ । आगो नियन्त्रणका लागि लम्की–चुहा नगरपालिकाको दमकल मगाइएको प्रहरीले जनाएको छ ।
आगो लाग्नुको कारण भने खुलेको छैन । अहिले ठूलो संख्यामा प्रहरी र स्थानीय आगलागी भएको क्षेत्रमा जम्मा भएका छन् ।
