काठमाडौँ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले सेक्युरिटी प्रिन्टिङ प्रेस खरिदमा ७० करोड कमिसन मागेको विषयमा अनुसन्धान भइरहेको बताएका छन् ।
मंगलबार बसेको संसदको सार्वजनिक लेखा समितिको बैठकमा उनले प्रकरणको छानबिन भइरहेको जानकारी दिँदै बलियो प्रमाणबिना कसैकाविरुद्ध मुद्दा लैजान नमिल्ने बताए ।
‘सेक्युरिटी प्रेसको अनुसन्धान भइरहेको छ, यो एउटा टेपको विषय थियो । हामीले छानबिन गरिरहेको छौँ ।प्रमाणबिना कसैलाई पक्राउ गर्ने कुरा हुँदैन । राईले भने ।
तत्कालीन सञ्चारमन्त्री गोकुल बाँस्कोटाले ७० करोड कमिसन माग्दै कुरा गरेको अडियो सार्वजनिक भएको थियो । उक्त अडियो सार्वजनिक भएसँगै बाँस्कोटाले मन्त्री पदबाट राजीनामा दिएका थिए ।
