काठमाडौं । सुन तस्करी प्रकरणमा मुछिएका प्लाटिनम कलेजका सञ्चालक जीवनकुमार गुरुङलाई पक्राउ गरिएको छ ।
त्रिभुवन विमानस्थलबाट बरामत १४ किलो सुन प्रकरणमा गुरुङलाई काठमाडौंको सामाखुशीबाट पक्राउ गरिएको केन्द्रीय अनुसन्धान ब्युरो (सीआईबी) को एक अधिकारीले जानकारी दिए ।
२१ मंसिरमा फ्लाई दुबईबाट काठमाडौँ ल्याईएको १४ किलो सुनसहित चन्द्र घले पक्राउ परेका थिए । गिरोहले ल्याएको सुन अध्यागमन कर्मचारीको मिलेमतोमा बाहिर ल्याउने गरिएको अनुसन्धानबाट खुलेको थियो ।
अनुसन्धानकै क्रममा दुबईमा रहेका अंकित अग्रवाल र गुरु भनिने भारतीय नागरिकले १३८ किलो सुन तस्करी गरिसकेको खुलेको थियो । उनीहरुको सम्पर्क प्लाटिनम कलेजका सञ्चालक गुरुङसँग पनि देखिएपछि जिल्ला अदालत, काठमाडौंमामा उनलाई प्रतिवादी बनाइएर मुद्दा दायर गरिएको थियो ।
