एजेन्सी । भारत र इंग्ल्याण्डबीचको ५ टेष्ट सिरिजको तेस्रो खेल राजकोटमा जारी छ । निरञ्जन शाह रंगशालामा भएको पहिलो इनिङ्समा भारतले ४ सय ४५ रन बनाएको छ भने इंग्ल्याण्डले ३१९ रन बनाएको छ ।
अहिले तेस्रो दिनको तेस्रो सत्रको खेल चलिरहेको छ । भारतले आफ्नो दोस्रो इनिङ्समा एक विकेट गुमाएर १७१ रन बनाएको थियो । यशस्वी जैसवालले शतक प्रहार गरे । टोलीको अग्रता पनि तीन सय रनको नजिक पुगेको छ ।
रोहित शर्मा १९ रन बनाएर जो रुटको बलमा एलबीडब्लु भए । तेस्रो दिन इंग्ल्यान्डले २०७र२ रन बनाएर आफ्नो इनिङ्स अगाडि बढाएको थियो ।
यशस्वी जैसवालले मार्क वुडविरुद्ध कभरतर्फ चौका प्रहार गर्दै आफ्नो शतक पूरा गरे । उनले १२२ बलमा करियरको तेस्रो शतक बनाए । यसअघि यशस्वीले ८० बलमा छक्का लगाएर आफ्नो अर्धशतक पूरा गरेका थिए ।
