जनकपुरधाम । सत्तारुढ दल नेकपा (एकीकृत समाजवादी) का अध्यक्ष माधवकुमार नेपालले वर्तमान सत्ता गठबन्धनबाट जनताका दु:ख पार लाग्ने कुरा सोच्न पनि नसकिने बताउनुभएको छ ।
नेकपा (एकीकृत समाजवादी) मेधश प्रदेश कमिटी बैठकलाई सोमबार जनकपुरधाममा सम्बोधन गर्दै अध्यक्ष नेपालले गठबन्धन अहिलेको शक्ति सन्तुलनको आवश्यकता मात्रै भएको बताउनुभएको हो ।
उहाँले शक्ति सन्तुलनका लागि मात्रै अहिलेका गठबन्धनमा राजनीतिक दलहरुको एकतालाई बलियो बनाइएको बताउनुभयो । वर्तमान गठबन्धनलाई कसैले ढाल्न नसक्ने दाबी गर्दै उहाँले गठबन्धनको कुनै विकल्पसमेत नरहेको जिकीर गर्नुभयो । लोकतन्त्र, संघीयता, संविधानका पक्षपोषकहरु एक ठाउँमा उभिएर अघि बढ्न आवश्यक रहेको उहाँको भनाइ थियिो ।
अर्को एक प्रसंगमा अध्यक्ष नेपालले आफ्नो पार्टीले नेकपा एमालेलाई शत्रु नठानेको भन्दै आफूलाई नोक्शान पुर्याउन खोजेमा प्रतिवाद मात्रै गर्ने गरेको बताउनु भयो ।
