एजेन्सी । यू–१९ विश्वकपको फाइनल खेलमा अस्ट्रेलियाले भारतलाई जितका लागि २५४ रनको लक्ष्य दिएको छ । यो लक्ष्य यू–१९ विश्वकप फाइनलमा कुनै पनि टिमले दिएको ठूलो लक्ष्य हो ।
बेनोनीमा टस जितेर ब्याटिङ रोजेको अष्ट्रेलियाले निर्धारित ५० ओभरमा ७ विकेट गुमाएर २५३ रन बनायो ।
हरजस सिंहले सर्वाधिक ५५ रन बनाए । कप्तान ह्युज विब्जेन ४८ रन बनाएर आउट भए भने ह्यारी डिक्सन ४२ रन बनाएर आउट भए । यस्तै, ओलिभर पिके ४६ रनमा नटआउट रहँदा र्यान हिक्सले २० तथा चार्ली एन्डर्सनले १३ रन जोडे ।
भारतका लागि राज लिम्बानीले ३ विकेट लिए । नमन तिवारीले २ सफलता हात पारे । यस्तै, सौमी पाण्डे र मुसीर खानले एक–१ विकेट लिए ।
