काठमाडौँ । प्रधानमन्त्री शेरबहादुर देउवाले आगामी जेठ ५ अघि नै स्थानीय निकायको निर्वाचन गर्ने गरी घोषणा गर्न लागेको बताउनुभएको छ । नेपाली कांग्रेसको बागमती प्रदेशका सभापति इन्द्र बानियाँसहितको टोलीसँग सोमबार प्रधानमन्त्री देउवाले जेठ ५ अघि नै निर्वाचन गर्ने गरी घोषणाको तयारी भएको बताउनुभएको हो ।
बानियाँले केही दिनमै निर्वाचनको घोषणा हुने प्रधानमन्त्री देउवाले भन्नुभएको बताउनुभयो । यसअघि नेकपा माओवादी (केन्द्र) र नेकपा (एकीकृत समाजवादी) ले स्थानीय निकायको निर्वाचन निर्धारित समयभन्दा छ महिना पर धकेल्न आग्रह गरेका थिए ।
प्रधानमन्त्री देउवाले ती पार्टीका प्रमुखहरुको आग्रहलाई अस्वीकार गर्दै नेकपा एमालेको माग र संविधानअनुसार समयमै निर्वाचन गर्ने तयारी सुरु गर्नुभएको हो ।
