एजेन्सी । धेरै पटक बलिउड सेलिब्रेटीहरूले सफलता हासिल गर्न आफ्नो नाम परिवर्तन गर्छन् वा नामको स्पेलिंगमा थोरै परिवर्तन गर्छन् । तर, केही स्टारहर यस्ता पनि छन् जसले आफ्नो करियरमा आफ्नो नामको साथ उपनाम (थर) प्रयोग गरेका छैनन् ।

काजोल

काजोलको पूरा नाम काजोल मुखर्जी हुन्थ्यो । अभिनेता अजय देवगनसँग विवाह गरेपछि उनी काजोल मुखर्जी देवगन भइन्, तर काजोलले कहिल्यै पनि उपनाम प्रयोग गरिनन् । काजोलले आमाबाबु छुट्टिएपछि आफ्नो उपनाम छाडेको बताइएको छ । काजोलकी आमा अभिनेत्री तनुजा र बाबुको नाम शोमु मुखर्जी हो । अभिनेत्रीका पिताको सन् २००८ मा निधन भएको थियो ।

तब्बू

तब्बुको पूरा नाम तबस्सुम हाश्मी हो । फिल्ममा आएपछि उनले आफ्नो नाम तब्बु राखिन् । अभिनेत्रीले यसमा आफ्नो थर कहिल्यै जोडिनन् । तब्बु अभिनेत्री फराहकी कान्छी बहिनी र शबाना आजमी, तन्वी आजमी र बाबा आजमीकी भतिजी हुन् ।

वैजयन्तिमाला

दिग्गज अभिनेत्री वैजयन्तिमालाले धेरै हिट फिल्ममा आफ्नो अभिनयको जादु देखाइसकेकी छिन् । यद्यपि, उनी नामसँगै थर पनि प्रयोग गर्दिनन् । अभिनेत्रीको पूरा नाम वैजयन्तीमाला रमन हो । उनको नाम आफैंमा यति ठूलो छ, सायद त्यसैले उनले आफ्नो थर कहिल्यै प्रयोग गरिनन् ।

रेखा

रेखाको पूरा नाम भानुरेखा गणेशन हो, तर उनले रेखालाई छोटो बनाइन् र कहिल्यै आफ्नो थर प्रयोग गरिनन् । रेखाको बुवासँग राम्रो सम्बन्ध नभएको कारण पनि हुनसक्छ जसकारण उनले कहिल्यै आफ्नो थर प्रयोग नगरेको हुनसक्छ ।

धर्मेन्द्र

धर्मेन्द्रलाई बलिउडको हिम्यान भनेर चिनिन्छ । यो उमेरमा पनि उनी चलचित्रमा निरन्तर सक्रिय छन् । धर्मेन्द्रको पूरा नाम धरम सिंह देओल हो, तर फिल्ममा आएपछि उनी धर्मेन्द्र बने र यो नामले उनलाई फ्यानहरुले धेरै माया दिए ।

गोविन्दा

गोविन्दालाई बलिउडका दिग्गज कलाकारमा गनिन्छ । ९० को दशकमा आफ्नो अभिनयले मानिसको मन जित्ने गोविन्दाको पूरा नाम गोविन्दा अरुण आहुजा हो, तर फिल्मी दुनियाँमा आएपछि उनले गोविन्दालाई छोटो बनाए ।