काठमाडौँ । काठमाडौँ महानगरपालिकाले तीन जना कर्मचारीलाई निलम्बन गरेको छ । कार्यपालिकाले गरेको निर्णय कार्यान्वयनको क्रममा आफूखुसी निर्णय गरेको पाइएको भन्दै महानगरपालिकाले तीनजना कर्मचारीलाई निलम्बन गरेको हो ।
निलम्बनमा पर्नेमा मेयर शाहको सचिवालय प्रमुख नुरनिधि न्यौपाने, स्वास्थ्य विभाग प्रमुख रामप्रसाद पौडेल, वरिष्ठ शाखा अधिकृत भगवती बिडारी रहेका छन् ।
यो विवादमा तानिएका प्रमुख प्रशासकीय अधिकृत वसन्त अधिकारी अहिले बिदामा बसेका छन् । बिदा सकिएसँगै अधिकारी पनि निलम्बनमा पर्ने स्रोत बताउँछ ।
