एजेन्सी । कल्पना गर्नुहोस्, यदि तपाईंलाई थाहा भयो कि संसारमा एउटा यस्तो ठाउँ छ जुन ५२ वर्षदेखि निरन्तर जलिरहेको छ । चाहेर पनि निभाउन सकिँदैन । यो रहस्य देखेर वैज्ञानिकहरु पनि अचम्ममा परेका छन् ।
मानिसहरु यो ठाउँ नजिकै जान्छन् । अहिले यो पूर्ण रुपमा पर्यटकीय गन्तव्य बनेको छ । यो ठाउँ पूरै आगोले घेरिएको छ । यति मात्र होइन, यसमा लागेको आगो कुनै पनि हालतमा निभाउन सकिँदैन । यो ठाउँलाई ‘नर्कको ढोका’ पनि भनिन्छ । यसबारे वैज्ञानिकहरु अझै अनुसन्धान गरिरहेका छन् ।
यो तुर्कमेनिस्तानको उत्तर मा स्थित छ । यो पूर्णतया मरुभूमिमा अवस्थित छ। यसलाई ‘नरकको द्वार’ भनिन्छ ।
यस खाडलमा आगो बल्ने सम्बन्धमा धेरैको आ–आफ्नै सिद्धान्तहरू छन् । कतिपयले यो गोप्य ठाउँ हो भन्ने विश्वास गर्छन् । यहाँको सरकारले संसारबाट केही लुकाउन खोजेको उनीहरु ठान्छन् । यो आगलागी प्राकृतिक ग्यासबाट भएको वैज्ञानिकहरुको अनुमान छ ।
सन् १९७१ मा सोभियत संघका भूवैज्ञानिकहरूले कच्चा तेलको भण्डार खोजिरहेका थिए । यस अवधिमा उनीहरुले प्राकृतिक ग्यासको ठूलो स्रोत फेला पारे । यहाँ उत्खननका क्रममा जमिन भासिएर ठूला–ठूला खाडल बनेका छन् ।
मिथेन लिकेजको खतरा देखेर यहाँ उपस्थित वैज्ञानिकहरूले खाल्डोमा आगो लगाएका थिए । मिथेन सकिएपछि आगो निभ्ने उनीहरुको विश्वास थियो तर त्यसो भएन । तर, अहिलेसम्म यस सिद्धान्तको बारेमा ठोस प्रमाण भने फेला परेको छैन ।
In 1971, Soviet engineers set fire to a gas-filled hole in Turkmenistan’s desert. Expecting it to burn briefly, they were surprised when “The Door to Hell” continued to blaze. Now, 52 years later, it still burns. pic.twitter.com/MOfUbYFwSq
— Historic Vids (@historyinmemes) December 12, 2023
