एजेन्सी । सामाजिक सञ्जालमा एक बेहुलाको भिडियो भाइरल भइरहेको छ । जसमा उनले हेलिकप्टर जस्तो देखिने चारपाङ्ग्रे सवारीसाधनमा विवाहको जन्ति ल्याएका छन् ।
यो खबर छिमेकी राष्ट्र भारतको हो । बेहुलाको कारको यो तस्बिर निकै भाइरल भइरहेको छ । बिहे गर्न हेलिकप्टरजस्तै देखिने चारपाङ्ग्रे सवारीसाधनमा नौतनवा नगर पुग्दा उनी जिल्लाकै आकर्षणको केन्द्र बनेका थिए ।
अवस्था यस्तो थियो कि यो जन्ति जता–जता जाँदै थियो, त्यहाँ मानिसहरूको आकर्षणको केन्द्र बनिरहेको थियो । मानिसहरु यो हेलिकप्टर जस्तो गाडीको भिडियो बनाउन मग्न देखिन्थे । वास्तवमा, सिद्धार्थनगर जिल्लाका बेहुला इम्तियाज अहमदको विवाह महाराजगञ्ज जिल्लाको नौतनवा शहरमा भएको थियो । बेहुला इम्तियाजले हेलिकप्टर जस्तो देखिने यो कार देखेपछि त्यही कार आफ्नो बिहेमा लैजाने निर्णय गरेको बताए ।
यस्तो अवस्थामा अब इम्तियाजको सपना साकार भएको छ र उनी हेलिकप्टर जस्तो देखिने कारमा बिहे गर्न पुगेका छन् । दुलहाको जन्ति जुन बाटोबाट गुज्रिरहेको थियो, मानिसहरूको नजर बेहुलातिरै रोकिन्थ्यो । जहाजमा चढ्नुको सट्टा हेलिकप्टरजस्तै देखिने कारमा यसरी बेहुली लिन हिँड्दा आफू गौरवान्वित भएको बेहुला बताउँछन् ।
कतिपयले यसको भिडियो पनि बनाएका थिए भने कोही सेल्फी खिच्न व्यस्त थिए । हेलिकप्टर जस्तो देखिने सवारी साधनका मालिकले यसरी आफ्नो गाडी परिमार्जन गरेपछि यसको बुकिङ झनै बढेको बताए ।
