काठमाडौं । धादिङ जिल्ला धादिङबेशी घर बताउने वर्ष १३ को निमा तामाङ पक्राउ परेका छन्। काठमाडौं जिल्ला चन्द्रागिरि नगरपालिका वडा नं. २ नागढुंगा स्थित चेकप्वाईन्टमा महानगरीय प्रहरी प्रभाग नागढुंगाबाट खटिइएको प्रहरी टोलीले तामाङलाई शनिबार (हिजो) १२ः३० बजे पक्राउ गरेको हो ।
धादिङ माधवबेशीबाट काठमाण्डौ तर्फ आउँदै गरेको बा ३ ख ८५२३ नम्बरको यात्रुबहाक बसलाई रोकी चेकजाँच गर्ने क्रममा तामाङको झोलाबाट खैरो टेपले बेरी ६ वटा पोका प्रतिबन्धित लागुऔषध गाँजाको धुलो ५ (पाँच) किलो ४०० ग्राम फेला परेको हो ।
तामाङले साथमा लिई आएको कालो रंगको झोला चेक गर्दा बरामद लागुऔषधसहित पक्राउ परेकी हुन् । प्रहरीले लागुऔषध नियन्त्रण ऐन २०३३ बमोजिम थप अनुसन्धान भइहेको जनाएको छ।
