काठमाडौं । राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले ‘मुलुकका समस्या सर्भिसिङ’ गरेरमात्र नहुने ‘ओभरहलिङ’ नै गर्नुपर्ने बतानु भएका छ ।
उहाँले जति ढिलो गर्यौँ, उति यो बिग्रिँदै जाने भन्दै नवीनसमझदारी को बाटो पहिल्याउन ढिलो नगर्न आग्रह गर्नुभएको छ ।
मंसीर ७ गतको अभियानमा सहभागी हुन आएका महिलाहरु माथी ज्यादती भएको उल्लेख गर्दे उहाँले सामाजिक संञ्जालमा लेख्नुभएको छ-
हुँदैन के, चल्दैन यसरी – मान्नोस् न!
समस्या राती गएर महिलाहरूमाथि बल प्रयोग गर्नेहरूमा होइन। समस्या यो व्यवस्थाले निर्माण गरेको राजनीतिक चरित्रमा छ।
समाजको पत्र-पत्र पतित भएको छ भनेर मैले त्यसै भनेको होइन।
हिजोमात्र होइन राजनीतिक भागबण्डमा सर्वोच्चको न्यायाधिश सिफारिस भएको? अंश-अंशमा समाधान खोजेर के मात्रै सुधार्नु हुन्छ?
यस्तो लाग्दैछ, गणतन्त्र हाँक्ने भन्दा देशै ध्वस्त हुने बाटोमा जाँदा समेत गणतन्त्र जोगाऊँ भन्ने विद्वान, टिप्पणीकार, नागरिक समाजका अगुवा र मिडिया
यो देशको दुर्दशाका लागि अझ बढी जिम्मेवार छन्।
तिनले लिँडे ढिपी गरिरहे भने शान्तिपूर्णसंक्रमण हुने छैन र त्यो सुखद हुने छैन। स्थिति बसभन्दा बाहिर जानु अगाबै शान्तिपूर्णसंक्रमण मार्फत नवीनसमझदारी मा जाऊँ। नयाँ/पुराना प्रचण्डपन्थीहरूले राजसंस्थावादीहरूलाई या राजसंस्थावादीहरूले प्रचण्डपन्थीहरूलाई न्यूनिकरण गरेर कोही, काँही पुग्नुवाला छैन। देश बन्नेवाला छैन।
नवीनसमझदारी को बाटो पहिल्याउन ढिलो नगरौँ। समस्याका तदर्थ समाधानतिर नलागौँ। ‘सर्भिसिङ’ गरेर हुँदैन ‘ओभरहलिङ’ नै गर्नुपर्छ। जति ढिलो गर्यौँ, उति यो बिग्रिँदै जान्छ।
