काठमाडौँ । नेकपा एमालेनिकट युवा संघ नेपाल र गणतन्त्रविरोधी अभियन्ता दुर्गा प्रसाईंले यही मंसिर ७ गते बिहीबार गर्न लागेको प्रदर्शनलाई माइतीघर मण्डलादेखि नयाँ बानेश्वरसम्म प्रदर्शन रोक लगाईएको छ । जिल्ला प्रशासन कार्यालय काठमाडौंले सोमबार दुवै पक्षसँग छलफल गरेपछि उक्त निर्णय भएको हो ।
माइतीघर मण्डलादेखि नयाँ बानेश्वरसम्म प्रदर्शन गर्नका लागि निषेध गरिएको छ । उक्त क्षेत्रमा सरकारी तथा संवेदनशील निकाय भएकाले प्रदर्शन गर्न नदिइने निर्णय भएको जनाइएको छ ।
दुवै पक्षले शान्ति सुरक्षा कायम राख्नेबारे लिखित रूपमा प्रतिबद्धतासमेत जनाएको र फरक–फरक ठाउँमा शान्ति सुरक्षा कायम हुनेगरी प्रदर्शन गर्न पाउनेछन् ।
दुवै पक्षले मंसिर ७ गते माइतीघर मण्डलामा प्रदर्शन गर्ने बताउँदै आएको र दुई पक्षको प्रदर्शन एकै ठाउँमा हुदाँ शान्ति सुरक्षामा खतरा हुने भन्दै जिल्ला प्रशासन कार्यालयले यस्तो निर्णय गरेको हो ।
