एजेन्सी । बलिउड अभिनेता अक्षय कुमारलाई कोरोना संक्रमण पुष्टि भएसँगै उनको फिल्म 'राम सेतु'को सेटमा ४५ क्रु मेम्बरलाई पनि कोरोना संक्रमण भएको खबर बाहिर आएको थियो ।
यद्यपि फिल्मको को प्रोडक्शन कम्पनी अबुन्दन्तिया इन्टरटेन्मेन्टका मालिक विक्रम मल्होत्राले यस खबरलाई अफबाह बताएका छन् । उनका अनुसार २५ जना संक्रमित भएका थिए तर त्यसमध्ये कोहीपनि टिमका सदस्य थिएनन् ।
मल्होत्राका अनुसार ५ अप्रिलमा मड आइल्याण्डमा सुटिङ सुरु हुँदैथियो । जसका लागि १९० जनाको टिम बनाइएको थियो । दुईदिन पहिले सबैको कोरोना परीक्षण गर्दा २५ जनामा कोरोना पोजेटिभ पाइएको थियो ।
संक्रमित भएसँगै उनीहरुलाई टिमबाट बाहिर पठाइएको थियो । उनले यो पनि बताए कि अक्षय कुमार ती सेटमा आएकामार्फत संक्रमित भएका होइनन् ।
